Netvarpið

Engin kreppa í kvikmyndaiðnaði

Netvarpid — Mon, 24 Aug 2009 06:00:23 +0000

Ólafur Jóhannesson eða Olaf de Fleur eins og hann kýs að láta kalla sig hefur leikstýrt bæði kvikmyndum og heimildamyndum. Meðal verka hans eru Stóra planið, Africa United og Blindsker, heimildamynd um Bubba Morthens. Skoðun Ólafs er sú að það borgi sig frekar að fara af stað og framkvæma hluti í stað þess að velta þeim fyrir sér of lengi.

Sérstök nefnd kom í veg fyrir „óþarft“ eftirlit

Netvarpid — Fri, 21 Aug 2009 05:00:02 +0000

Sighvatur Björgvinsson er framkvæmdastjóri ÞSSE. Hann ræðir um niðurskurðinn hjá stofnuninni og orsakir efnahagshrunsins á Íslandi. Sighvatur nefnir mikla skuldasöfnun og ofmetnað íslensku þjóðarinnar ásamt gallaðari stjórnmálastefnu. Sem dæmi segir Sighvatur frá þriggja manna nefnd sem hindraði störf íslenskra eftirlitsaðila. Sighvatur telur að við þurfum að ganga í gegnum mikla endurskoðun til að koma í veg fyrir að efnahagshrun sem þetta endurtaki sig.

Of fáir hafa sagt af sér

Netvarpid — Wed, 19 Aug 2009 01:06:59 +0000

Bjarni Harðarson fyrrum alþingismaður telur ólíklegt að hann snúi aftur í pólitík. Honum finnst ómaklega vegið að Margréti Tryggvadóttur þingmanns Borgarahreyfingarinnar en þrýst hefur verið á hana að segja af sér vegna tölvupósts sem rataði í fjölmiðla. Hann telur að aðrir stjórnmálamenn hafi ríkari ástæðu til þess að segja af sér en vill ekki nefna nein nöfn í því samhengi.

Bankarnir þurfa að vanda skipan í stjórnir

bbb — Tue, 18 Aug 2009 09:31:35 +0000

Katrín Olga Jóhannesdóttir er framkvæmdastjóri stjórnunarsviðs Skipta, móðurfélags Símans, ásamt því að sitja í bankaráði Seðlabankans og stjórn Icelandair. Hún ræðir um fyrirtækið Skipti og áhrif efnahagshrunsins á fyrirtækið. Katrín ræðir einnig um komu sína í Seðlabankann, atburðina í vetur og fyrirkomulagið í bankanum í dag. Þá ræðir Katrín um breytingarnar í íslensku viðskiptalífi í kjölfar hrunsins, þau verkefni sem framundan eru og tækifærið sem felst í allri þeirri athygli sem Íslendingar hafa fengið.

Menningarnótt er hátíð fólksins

bbb — Mon, 17 Aug 2009 07:00:14 +0000

Skúli Gautason er fulltrúi viðburða hjá Höfuðborgarstofu. Höfuðborgarstofa skipuleggur Menningarnótt sem er orðin fjölsóttasta hátíð Íslendinga. Skúli segir okkur frá fyrirkomulaginu í ár og nefnir áhugaverða atburði sem haldnir verða þetta árið.

Fjölbreytt og kröftugt leikár framundan

Netvarpid — Sat, 15 Aug 2009 07:30:11 +0000

Magnús Geir er leikhússtjóri Borgarleikhússins. Hann segir okkur frá áhugaverðum sýningum sem settar verða á svið í vetur og helstu áherslum við val á verkum. Magnús ræðir einnig um samkeppni við önnur leikhús og reksturinn í Borgarleikhúsinu.

Fylgdi landsfundarályktun í ESB máli

Netvarpid — Fri, 14 Aug 2009 07:00:43 +0000

Ragnheiður Ríkharðsdóttir þingmaður Sjálfstæðisflokksins telur sig hafa fylgt landsfundarályktun flokksins með því að kjósa með aðildarviðræðum við Evrópusambandið. Aðspurð segist Ragnheiður eiga enga samleið með Samfylkingunni þrátt fyrir að hafa fylgt henni í þessu máli. Ragnheiður segir að þeir sem haldi um stjórnvölin séu svo smeykir við eigin ákvarðanir að þeir haldi að allt sé betra sem kemur erlendis frá. Þannig megi enginn vafi leika á því hvort bresk fjársvikadeild sem hyggst hjálpa til við rannsókn á bankahruninu hafi komið að einhverjum málum sem skekkja stöðu þeirra við þá rannsókn, en hugsanlegt er að sú deild hafi átt þátt í setningu hryðjuverkalaganna á Íslandi.

Fyrirtækjarekstur engin stjarnvísindi

Netvarpið.is — Thu, 13 Aug 2009 07:00:17 +0000

Aðalheiður Héðinsdóttir hóf rekstur Kaffitárs fyrir 20 árum þegar hún seldi fjölskyldubílinn og festi í stað kaup á kaffibrennsluofni. Í dag starfa hjá fyrirtækinu yfir 100 manns og ætti saga Kaffitárs að vera öðrum til fyrirmyndar sem hyggjast stofna fyrirtæki. Aðalheiður segir að lykillinn að velgengninni sé meðal annars sá að víkja aldrei frá þeim markmiðum sem sett voru í upphafi auk þess sem það geti borgað sig að vaxa ekki of hratt. Þá sé mikilvægast af öllu að eiga fyrir skuldunum.

Íslendingar afþökkuðu fjögurra milljarða evra Rússalán

Netvarpið.is — Wed, 12 Aug 2009 09:24:17 +0000

Victor I. Tatarintsev, sendiherra Rússlands á Íslandi, gagnrýnir harðlega nýlega ályktun ÖSE um þátt Sovétríkjanna í Seinni heimstyrjöldinni. Hann gagnrýnir Evu Joly fyrir kaldastríðs-viðhorf gagnvart Rússum og segir frá því að ríkisstjórn Geirs H. Haarde hafi ekki þegið tilboð Rússa um fjögurra milljarða dala lán í október síðastliðinn. Þá ræðir Victor um ástandið í Suður-Ossetíu og vopnaflutninga Icelandair Cargo til Georgíu skömmu fyrir stríðið.

Rússalán mun hafa heimspólitísk áhrif

bbb — Tue, 11 Aug 2009 10:17:25 +0000

Björn Bjarnason ræðir um Evrópusambandið, Icesave, samskipti Íslendinga við Bandaríkin og samband okkar við Breta eftir setningu hryðjuverkalaganna. Björn vill samastarf í gjaldeyrismálum á grundvelli EES samningssins í stað þess að ganga í ESB og talar um Icesave sem dýran aðgöngumiða Íslendinga inn í ESB. Björn telur að Bandaríkjamenn hafi sýnt af sér mikið heimskubragð með því að fara með varnarliðið frá Íslandi segir að nú séu þáttaskil í samskiptum við Bandaríkin. Björn segir að lán frá Rússum muni hafa geópólitísk áhrif og að lánið verði túlkað sem dæmi um að Rússar séu að færa út kvíarnar á Norður-Atlantshafi.

Íslendingar verði fyrirmynd annarra þjóða

bbb — Mon, 10 Aug 2009 11:27:52 +0000

Guðjón Már er heilinn á bakvið Hugmyndaráðuneytið. Hugmyndaráðuneytið er grasrótarhreyfing sem kemur að skapandi hugsun og nýsköpun á Íslandi. Hann telur að eftir tuttugu ár munu margir telja hrunið vera það sem besta sem hafi komið fyrir Ísland. Hann segir einnig að Ísland eigi nú að grípa tækifærið og gerast einskonar frumgerðarland fyrir hinn nýja heim og koma að þróun ýmissar nýrrar tækni t.d. á sviði rafmagnsbíla.

Þak verði sett á lán fyrir skólagjöldum

Netvarpid — Fri, 07 Aug 2009 11:44:48 +0000

Katrín Jakobsdóttir menntamálaráðherra talar um starf sitt, þann árangur sem hún hefur séð hingað til og stærstu verkefnin framundan, en þau eru meðal annars endurskipulagning háskólakerfisins, innritunarmál í framhaldsskólum og niðurskurður í menntakerfinu. Hún ræðir einnig um lánasjóðsmál, skólagjöld í háskólum, samræmd lokapróf og fjárveitingar til Háskóla Íslands.